Osakidetzako zerbitzuetako eta Osakidetzak hitzartutako zerbitzuetako paziente eta erabiltzaileake:

1. Eskubidea dauka atentzioa, banan banakoa eta bere neurrikoa, begirunerik handienaz, zuzentasunez eta ulerkortasunez jasotzeko.

2 .Eskubidea dauka Osakidetzak atenditzen duen populazioaren behar sanitarioetara egokitutako zerbitzusarea edukitzeko. Sare horrek baliabide sanitario eskuragarri, eraginkor eta efikazak izango ditu, eta asistentziaren kalitatea ziurtatuko duten bide profesionalak erabiliko ditu.

3. Eskubidea dauka bere osasun-egoerari buruz, eta egin diezaioketen edozein interbentziok edo tratamenduk egoera horretan izan dezakeen eraginari buruz, behar duen informazioa jasotzeko. Berak nahi izanez gero, informazioa eman behar zaio edozein neurri diagnostiko edo terapeutiko hartzeko edo proba osagarriak eskatzeko egon diren arrazoiei buruz, eta, era berean, itxaronaldian gehiegizko atzerapenen bat izan bada, hori gertatzeko egon diren arrazoiei buruz.

4. Eskubidea dauka sistema sanitarioak bere osasun-egoerari buruz sortzen duen informazioa bere historia klinikoan sar diezaioten. Historia horretan biltzen dira denboran zehar pazientearen eta zentroaren arteko asistentziako harreman guztiak.

5. Eskubidea dauka bere historia klinikoaren konfidentzialtasuna ziurta diezaioten, eta, berak baimena eman ezean, erabil ez dezaten, baldin ez bada ikerketa sanitario anonimoa egiteko eta zerbitzuen kalitatea ebaluatzeko.

6. Eskubidea dauka, zalantzaren bat izanez gero, Osakidetzako beste mediku bati bigarren iritzi bat eskatzeko, bere osasunari edo bizitzari arriskua ekar diezaiokeen tratamendu, interbentzio kirurgiko edo prozedura mediko batean abiatu baino lehen.

7. Eskubidea dauka ikerketa sanitarioen subjektu izateari eta edozein zainketa edo azterketari ezezkoa emateko, baldin eta helburu nagusia hezkuntza edo informazioa bada, eta ez, terapia edo diagnostikoa. Eskubidea dauka diagnostikoari, tratamenduari edo antzeko prozedurei ezetz esateko, baldin eta horrek osasun edo segurtasun publikoari eragiten ez badio.

8. Eskubidea dauka eragingarritasuna frogatu gabe daukaten prozedura diagnostiko edo terapeutikoak ez onartzeko. Tratamendu hauen arrisku eta abantailen berri behar bezala eman diotenean bakarrik eman dezake pazienteak bere baimena. Baimen hori idatziz eman behar du, eta gero, atzera ere bota dezake.Arazo mentalak dituen pazienteak eskubidea dauka banakako eskubideek eta giza eskubideek ematen dioten babesa jasotzeko agintari sanitarioengandik.

9. Eskubidea dauka, itxaronzerrenda batean jarri behar badute, urgentzia medikoaren eta itxaron-denboraren araberako lehentasunez eta irizpide zuzenez jarria izateko, eta aldian-aldian informazioa jasotzeko egon daitezkeen atzerapenei eta arrazoiei buruz.

10. Eskubidea dauka bere diagnostikoaren eta ospitaleko tratamenduaren ardura daukan medikua une oro zein den jakiteko.

11. Eskubidea dauka atentzioa ematen dioten langile sanitarioen status profesionala, uniformeak edo beste ikur batzuk direla medio, erraz bereizi eta ezagutzeko modua izateko.

12. Eskubidea dauka, medikuarekin ados jarrita, oheburuko medikua (mediku orokorra eta pediatra) hautatzeko.

13. Eskubidea dauka oheburuko medikuarekin ados jarrita, ospitalea eta zerbitzu espezializatua hautatzeko.

14. Eskubidea dauka agindu dizkioten medikamentuen erabilpenari buruzko jarraibideak modu argian idatzita jasotzeko.

15. Eskubidea dauka Osasun Txartel Indibidualaren jabe izateko. Dokumentu hori pertsonala eta besterenezina da, lurralde nazional osorako balio du eta asistentzia sanitarioa jasotzeko eskubidea ziurtatzen du.

16. Zerbitzu sanitarioen funtzionamenduari buruzko kexak, erreklamazioak edo iradokizunak egiteko eskubidea dauka, eta, era berean, horiei buruzko erantzunak jasotzeko Administrazio Sanitarioaren aldetik.

17. Eskubidea dauka ospitaleko alta medikoaren txostena jasotzeko.

18. Eskubidea dauka zentro sanitarioan erabilitako baliabide ospitalarioen kostua ezagutzeko, zuzenean ordainduak izan badira, edo izan ez badira ere.

19. Eskubidea dauka, agintari sanitarioekin ados jarrita, Osakidetzari laguntzen dioten jardueretan borondatez parte hartzeko. ...eta Betebeharrak

Pazienteek, erabiltzaileek eta familiartekoek Osakidetzako zerbitzuak edo Osakidetzak hitzartutakoak erabiltzen dituztenean, ondoko betebeharrak dauzkate:

1. Erakunde sanitarioetan dauden arau eta jarraibideak betetzen lagundu.

2. Erakunde sanitarioetako langileak, gaixoak eta euren laguntzaileak ahalik begirune handienarekin tratatu.

3. Instalazioak zaindu, eta erakunde sanitarioen bizigarritasuna gordetzen lagundu.

4. Tratamendurako metodoak onartzen ez diren kasuetan, borondatezko altari dagokion agiria sinatu.

5. Zentroetako funtzionamenduan antzematen diren irregulartasunak erakunde sanitarioetako arduradunei jakinarazi.

6. Zerbitzu sanitarioak erabili behar diren guztietan Osasun Txartel Indibiduala eraman.

7. Larrialdietako zerbitzuak benetako beharra dagoenean bakarrik erabili, eta, ahal dela, ohiko zerbitzuetara jo.

1. Ospitalean dagoen bitartean, gurasoekin edo euren ordez datozen pertsonekin ahalik denborarik gehiena emateko eskubidea du.

2. Eskubidea dauka, ahal dela, egunez ospitalizatuta egoteko.

3. Eskubidea dauka bere adinera, garapen mentalera eta egoera afektibo eta psikologikora egokitutako informazioa jasotzeko, dagokion tratamendu mediko guztiari eta tratamendu horrek eskaintzen dituen aukera positiboei buruz.

4. Eskubidea dauka banan banako harrera eta segimendua izateko. Harrera hori egiten eta dagozkion zainketak ematen, ahal dela, erizain eta laguntzaile berak arituko dira.

5. Estualdietan, bere gurasoekin edo haien ordezkoarekin arremanetan egoteko eskubidea du; baita ere horretarako behar diren baliabideak izateko.

6. Beste haur batzuekin batera ospitalizatuta egoteko eskubidea dauka, hau da, nagusien artean ospitalizatuta egon gabe.

7. Eskubidea dauka altzari egokiekin eta gainerako guztiarekin hornitutako lokalak izateko. Lokal horiek, segurtasunarauei jarraiki, egokiak behar dute izan zainketen, hezkuntzaren eta jolasen arloko beharrei erantzuteko.

8. Eskubidea dauka ospitalean dagoen bitartean, bere eskola-prestakuntza jarraitzeko, eta eskola-agintariek bere zerbitzura jarritako irakaspenak eta material didaktikoa erabiltzeko, baldin eta trabagarri gertatzen ez bada bere tratamenduari begira.

9. Eskubidea dauka, ospitalean dagoen bitartean, bere adinerako jostailu, liburu eta ikusentzunezko baliabide egokiak izateko.

10. Eskubidea dauka behar dituen zainketak gerta ala gerta jasotzeko; nahiz gurasoek edo haien ordezkoek ezetz esan, arrazoi erlijiosoak, atzerapen kulturalak eta aurreiritziak direla medio, edo urgentziari aurre egiteko behar diren urratsak emateko baldintzarik ez dauzkatelako, eta, ondorioz, zainketa horiek ziurtatzeko justiziaren parte-hartzea beharrezkoa gertatzen bada ere.

11. Haurraren kartilla sanitarioa edukitzeko eskubidea dauka, dokumentu pertsonal gisa, hartu dituen txertoak eta bere osasunerako garrantzitsuak diren gainerako datuak jasotzen baititu.

1. Erakunde sanitarioetan dauden arau eta jarraibideak betetzen lagundu.

2. Erakunde sanitarioetako langileak, gaixoak eta euren laguntzaileak ahalik begirune handienarekin tratatu.

3. Instalazioak zaindu, eta erakunde sanitarioen bizigarritasuna gordetzen lagundu.

4. Tratamendurako metodoak onartzen ez diren kasuetan, borondatezko altari dagokion agiria sinatu.

5. Zentroetako funtzionamenduan antzematen diren irregulartasunak erakunde sanitarioetako arduradunei jakinarazi.

6. Zerbitzu sanitarioak erabili behar diren guztietan Osasun Txartel Indibiduala eraman.

7. Larrialdietako zerbitzuak benetako beharra dagoenean bakarrik erabili, eta, ahal dela, ohiko zerbitzuetara jo.