Gripearen kanpainak

Birus batek sortutako gaixotasuna da, udazkenean eta neguan ohikoagoa dena.

Bat-batean hasi ohi da, sukar altuarekin (38ºC baino gehiago). Horretaz gain, hotzikarak, ondoeza orokora, buruko mina, muskulu- eta giltzadura-mina, malko-jarioa, eztula... sortu ohi ditu eta 5 eta 8 egun artean luzatu ohi da. Pertsonarik pertsona kutsatu ohi da, eztula edo usin egiterakoan ahotik edo sudurretik botatzen diren tantekiko kontaktuagatik, tanta horiek eskuetan gelditu daitezke ere bai. Beste pertsonak kutsatu daitezke gaixotasuna hasi eta hurrengo 7 egunetara arte.
Kasu batzuetan, konplikazioak sortu daizteke (sinusitisa, otitisa...) edo hainbat gaixotasun kroniko larritzea ekarri dezakete.

Gripea gaixotasun infekzioso bat da, hiru birus-mota ezberdinek sortzen dutena: A, B eta C. Hori mota horietan, ohikoenak lehenengo biak dira.

Gaixotasun hori edozein pertsonak jasan dezake. Hainbat taldek, aldiz, gripearen ondorioak neurri handiago batean sufritzen dituzten. Pertsona nagusiez eta beste osasun-arazoak dituzten pertsonez (diabetea, BGBK, giltzurrun- edo gibel-gaixoak, eta abar) mintzo gara. Kasu horietan, gaixotasuna konplikatu daiteke eta hori dela era, arrisku-talde horrek txertoa jartzea gomendatzen da.

Gripe-kasuak batez ere udazkenaren bukaeran eta neguaren hasieran agertzen dira. Gripearen diagnostikoa klinikoa eta epidemiologikoa da, eta ez da gomendagarria antibiotikoak hartzea gripeari aurre egiteko. Gripea izanez gero, egokiena, laguntza-neurria aurrera eramatea da, hau da, antitermikoak hartzea, ohean gelditzea eta ondo hidratatzea.

Gripearen prebentzioari dagokionez, egokiena eta eraginkorrena txertaketa da. Nabarmendu behar da, gripearen aurkako txertoak ez duela kasu guztietan gaixotasuna saihesten, baina gertatuz gero, arinagoa izango da eta konplikazio gutxiago izango ditu. Txerto horrek ia ez du kontraindikaziorik, bakarra oiloaren arrautzekiko hipersentiberatasuna da. Era berean, haurdun dauden emakumeek txertoa jarri dezakete. Eusko Jaurlaritzako Osasun Sailak urtero iraileko eta urriko hilabeteetan arrisku-taldeei zuzendutako kanpaina bat egiten du.

Zer egin dezaket?

Erabilera bakarreko mukizapiak erabili.
Eskuak maiz garbitu beste pertsonak ez kutsatzeko.
Eztula edo usin egiten duzunean, sudurra eta ahoa ondo estali.
Ez erre eta ez edan edari alkoholikorik.
Analgesikoak eta antitermikoak hartu ditzakezu buruko minerako eta sukarrerako.
Ez hartu inoiz antibiotikorik zure kontu; beharrezkoak balira, zure medikuak bidaliko dizkizu.
Sukarra edo ondoeza orokorra baduzu, etxean geratu, horrek gaixotasuna gainditzen lagunduko dizu eta gainera, ez dituzu zure lanlekuaren edo eskolako pertsonak gripearekin kutsatuko
Gaixotasun kronikorik izanez gero, haurdun egonez gero edo adin txikiko haurren kasuan, kontsulta medikora joan.
Gripearen aurkako txertoa 65 urte baino gehiago dituztenen pertsonentzat bereziki egokia da eta baita hainbat gaixotasun kroniko dituzten pertsonentzat ere (diabetes, bronkitisa, kardiopatiak)

Noiz eskatu asistentzia medikoa, edo beharrezkoa bada, larrialdietara noiz joan?

Adin txikiko haurren kasuan, hurrengoa antzematen bada:

Arnasketa azkarra edo zailtasuna arnasteko.
Erupzioak azalean.
Gripearen sintomak hasiera batean hobetzen direnean baina ondoren berriz agertzen direnean.
Jan nahi ez dutenean edo ezer egiteko gogorik ez dutenean (jolasteko, mugitzeko).

Pertsona helduetan, hurrengoa antzematen bada: