Zer da?
	Nola igarri ahal diot?
	Zer egin behar dut nire umeak pneumonia badauka?
	Zer jarri behar diot arreta?

Zer da?

Pneumonia birikako infekzioa da, birus edo bakteriek sortu ahal dutena.

Nola igarri ahal diot?

Normalean, umeak egun batzuk daramatza katarroarekin, gero eta txartoago jartzen da, sukar altuagoa agertzen da eta eztul gehiago. Bularreko ume txikienek ez dute jan nahi, kexati edo goibel ager daitezke, eta batzuetan oso arin eta zailtasunez hartzen dute arnasa. Ume nagusiagoak toraxeko edo abdomeneko minaz kexa daitezke (pneumoniaren kokalekuaren arabera).
Gehienetan, larritasun txikiko prozesuak izaten dira, eta ez da ospitalizaziorik behar izaten, umeak medikazioa egokiro hartu ahal badu.

Zer egin behar dut nire umeak pneumonia badauka?

· Lehenengo, ziurtatu egin behar duzu umeak agindutako antibiotikoa hartzen duela.
· Antitermikoak eman behar dizkiozu sukarra jaisteko.
· Likido ugari eskaini behar dizkiozu; horrela, flemak bigundu egingo dira eta errazago kanporatuko ditu. Ez da beharrezkoa eztula medikamentuekin tratatzea, zeren eta flemak eztularen bidez ateratzen baitira.

Zer jarri behar diot arreta?

Berriro egin beharko zenioke kontsulta zure pediatrari edo gure larrialdi-zerbitzura etorri, umeak sintoma hauetakoren bat badauka :
· Arnasa hartzeko zailtasuna, kolore txarra.
· Ez da gauza tratamendu antibiotikoa egokiro jarraitzeko (gorakoak, ezin zaio ahotik eman…).
· Elikatzeko zailtasunak.
· Tratamendu antibiotikoa hasi eta 48 ordutara sukar altuarekin jarraitzen badu.