Zer da?
	Nola igarri ahal diot?
	Zer egin dezaket nire umeak otitisa badauka?
	Zer jarri behar diot arreta?

Zer da?

Erdiko belarriko infekzio akutua da, umeen artean oso ohizkoa, adin honetan belarriak dauzkan ezaugarri anatomikoengatik. Oso sarritan, goiko arnasbideetako katarro baten konplikazio bezala agertzen da.

Nola igarri ahal diot?

Normalean, umeak egun batzuk daramatza katarroarekin eta sukarra igo egin daiteke. Bularreko haur txikienak haserrekorrago jartzen dira edo biziki egiten dute negar, batez ere gauez; ez dute jan nahi izaten, bereziki xurgatu behar badute; eta, batzuetan gorakoak eta beherakoa eduki ditzakete. Ume nagusiagoak belarriko minaz kexatzen dira eta, batzuetan, ez dutela ondo entzuten adierazten dute. Entzun-bidean jarioa ikusten denean, horrek esan nahi du tinpanoak haustura txiki bat eduki duela, eta hortik zornea dariola; kasu hauetan, arindu egiten da mina.

Zer egin dezaket nire umeak otitisa badauka?

· Otitis asko tratamendu antibiotikorik gabe sendatzen dira 24-48 ordutan, baina, kasuaren arabera, pediatrak antibiotikoa ahotik hartzea agindu ahalko lioke, egun batzuetan.
· Mina ohizko antitermikoekin arinduko da: aspirina, ibuprofenoa…
· Garrantzitsua da sudur-hobiak sueroarekin ondo garbitzea, eta txikienekin "mukiak ateratzeko tresna" erabil daiteke.
· Guk geuk nahiago dugu belarrian tantarik ez erabiltzea arrazoi hauengatik: batetik, ez dira eraginkorrak, erdiko belarrira heltzen ez direlako (tinpanoak babesten du); eta, bestetik, ezkoa biguntzen dute, eta horrela ezin dugu tinpanoa argi ikusi, honek diagnostikoa zailagoa eginez.

Zer jarri behar diot arreta?

Berriro egin behar diozu kontsulta zure pediatrari edo gure larrialdi-zerbitzura etorri, hauetakoren bat gertatzen bada:
· Belarri atzetik inflamazioa agertzen bada gorritasun eta minarekin, belarria aurrerantz lekualdatuta.
· Orokorrean, umea oso goibel badago, gorakoekin, sukarrarekin, eta haserrekortasuna eta mina joaten ez bazaizkio.